— 69 —
poenja djaoe disitoe bala Japan lagi maoe berdiriken tangsi, sakoenjoeng-koenjoeng itoe soldadoe Kwitang sama bala Taij Wan dan anak negri berbalik kedjar pada bala Japan dari kanan kere teroes berantem, perang kira ada 3 à 4 djem poenja lama, bala Japan tiada bole tahan kerna jang mati soeda lebi dari separonja sedeng bala Taij Wan dan bala Kwitang jang mati tiada sebrapa banjaknja, selaennja bala Japan jang minggat pergi lari kloear poelo Taij Pak kombali dimana tempatnja.
Sekarang pembatjakoe, mari kita pergi liat apa adanja itoe di pinggir kwala Peng Ouw, jang Djendral Lauw soeda taro disitoe bebrapa ratoes peti mati jang dalemnja soeda di isiken bebrapa banjak dijnamid dan obat pasang lantas djoega di bakar jang swaranja ampir setenga langit dan soeda binasaken dimana tana-tana pinggir kwala itoe sampe djadi berantakan dan batoe-batoe jang besar-besar semoea terbongkar lantas menoetoepin di moeloet moeara, sedeng di dalem kwala itoe ada berlaboe bebrapa kapal perangnja orang Japan dapet denger iloe swara djadi ketakoetan lantas maoe lari, tapi pertjoema sadja kerna dimana roda dan kamoedinja soeda di taroin tali, roempoet atau dijnamid, disitoe kapalnja Japan jang petja dari meledaknja itoe dijnamid ada 3 kapal dan jang laen ada 4 kapal jang tiada petja tapi tiada bisa lari, sedeng itoe bala Taij Wan jang bisa maen di dalem aer lantas naek di kapal Japan teroes mengamoek, sahingga sekalian matros-matros atau striman dan kapteinnja lari kalangkaboetan kasi kena bala Taij Wan boenoe mati, dan ada djoega jang lompat kadalem aer lari bernang
