— 68 —
Laen dari itoe Djendral Lauw prenta pada orangnja ambil itoe peti mati jang doeloe soeda di bikin sedia lantas di moeatin obat pasang atau dijnamid di soeroe bawa kapinggir kwala Peng Ouw, serta di siarken tjerita jang di dalem bilangan Taij Lam soeda kedatengan penjakit kolera, hingga bikin banjak orang ketjil pada mati, maksoednja soepaja orang-orang Japan jang mana ada berdiam disitoe kirain betoel soeda kedjadian begitoe roepa, maka itoe peti mali bisa djalan loeloes kepinggir kwala Peng Ouw.
Tjerita orang Japan jang ada berdiam di loear poelo Taij Pak dapet denger jang marika itoe poenja bala tentara soeda dapet binasa, sahingga batinja mendjadi ketakoetan serta komendir soldadoenja boeat djaga keras mar ka itoe poenja benteng dan tangsi-tangsi soepaja djangan sampe kedatangan bala Taij Wan, komedian sakoenjoeng-koenjoeng Djendral orang Japan dapet denger jang di dalem poelo Taij Pak (Tam Soei) poenja soldadoe Kwitang jang djaga disitoe soeda bikin hoeroe hara serta rampas-rampasin anak negri poenja harta banda, hingga anak negri disitoe djadi lari kalangkaboetan. maka Djendral Japan soeda denger betoel itoe kabar, ija berpikir sekarang ini ada kebetoelan sekali dan ada waktoe jang bae boeat pergi serang itoe tempat tentoe misti dapet doedoekin disitoe.
Satelah Djendral Japan soeda pikir begitoe lantas dia prenta 10,000 bala tentaranja dengen sigra boeat pergi menjarang di kota Tam Soei, sesampenja disitoe lantas bertemoe pada bala Kwitang jang melaga lari kalangkaboetan, maka pikirannja orang Japan djadi senang sekali, teroes dia madjoe sampe kira 8 pal
