-67-
soeda djaga di 4 pendjoeroe lantas tembak pada bala Japan, berbareng madjoe aken kroijok pada bala Japan jang maoe lari soeda tiada ada lobang, sahingga bala Japan jang ada sepoeloe riboe lebi soeda kena terbinasa sama sekali tra-ada jang katinggalan barang satoe djiwa, dan maitnja orang Japan pada terletak di djalan besar soesoen tindi, daranja ada djalan mengalir seperti rawa, sahingga dimana kaki-kaki goenoeng poenja roempoet sepandjang djalan ada kliatan mera dengen dara, dan jang terkena bahaja api sampe djadi garing, sedeng kaki, tangan, kepala sekeping-keping ada berantakan sana sini, betoel sanget heibat sekali terpandang oleh mata, sahingga selembar-lembar boeloe badan djadi bangoen kerna bole di kata itoe djiwa manoesia ada seperti djiwanja semoet, jang tiada ada harganja sekali.
——————
FATSAL XVII.
Perang jang ka-anemblas.
Komedian dari pada itoe Djendral Lauw lantas komendir bala tentaranja boeat menjarang di Peng Ouw jang mana disitoe ada berlaboe bebrapa banjak kapal perangnja orang Japan, bebrapa ratoes soldadoe jang bisa maen di dalem aer di prenta bawa bebrapa banjak dijnamid atau torpedo dan tali, boeat iket di pantat kapalnja orang Japan.
Bala tentara orang Kwitang jang djaga di Tam Soei deket loear poelo Taij Pak di prenta soeroe melaga bikin roesoe sama orang ketjil anak negri disitoe.
