— 66 —
masoek kadalem poelo Taij Pak aken menjerang disitoe lantas dapet ketemoe bebrapa riboe bala Taij Wan, maka bala Japan matjemnja ada sengit sekali seperti singah lakoenja lantas toebroek sadja pada bala Taij Wan teroes berperang, tapi bala Taij Wan tiada bisa tahan hingga ada bebrapa banjak jang dapet loeka teroes lari kadalem jang mana bala Japan dengen sengit teroes oedak masoek kasabla dalem disitoe ada bertemoe lagi bebrapa ratoes bala Taij Wan jang ada berdiam di dalem 6 boea tangsi, dan orang Japan dapet liat disitoe ada berdiam balanja Taij Wan lantas sadja dia serang dan soeda dapet oesir itoe bala Taij Wan teroes rampas itoe 6 boea tangsi serta doedoekin disitoe.
Komedian ada kira-kira 7 djem poenja lama di ampat pendjoeroe ada kedengeran swara mariam berboenji lantas dari 4 pendjoeroe ada dateng bala Taij Wan bilang poeloe riboe, keliatan seperti semoet poenia banjak, ada dateng koeroeng pada orang Japan jang lagi berdiam di dalem itoe tangsi dan dari sebla kere ada dateng bebrapa ratoes andjing jang di kepalanja ada di iketin obat pasang sakoenjoeng-koenjoeng dateng serobot orang Japan jang baroe kloear dari tangsi mengigit kalangkaboet, dan orang Japan liat begitoe djadi bingoeng lantas tembak-tembakin itoe andjing jang di kepalanja lantas kloear api ada mepet dimana pagernja tangsi teroes djadi menjala lantas itoe tangsi djadi terbakar, sedeng di bawanja itoe tangsi soeda di taroin obat pasang atau dijnamid djadi meledoek seperti ada goenoeng roeboe terkena pada balanja Japan pada lari kalangkaboetan, sedeng bala Taij Wan jang memang
