— 58 —
tipoe lagi, lantas. komendir orangnja ada 500 soeroe intip dan sirem tananja dimana jang peti mati itoe di tanem oleh orang Taij Wan, tapi satelah itoe bala Taij Wan jang ada tersemboeni di dalem peti dapet denger banjak swara orang Japan, lantas marika itoe berame lantas tendang toetoepnja itoe peti dari dalem kloear berdiri teroes pana pada itoe orang Japan jang selagi asik menjirem tana, jang mana kena lantas mati dan jang laen liat begitoe teroes lari kalangkaboet, sedeng balanja Taij Wan kasi kloear dia poenja obat boeboek lantas sebar dari atas angin kena pada orang Japan poenja mata jang lantas djadi trabisa melek lantas bala Taij Wan potong-potongin kepalanja dan jang mana tiada kena itoe obat boeboek keboeroe lantas ketoebroek sama temennja jang dari atas goenoeng lagi ambil aer djadi satoe sama laen djato bangoen kalangkaboetan, sedeng jang laen teroes lari aken merapport pada Djendralnja.
Djendral orang Japan dapet denger itoe kabar hingga mendjadi mara teroes dia prenta bala tentaranja ada 500 kapala lebi di komeodir boeat bantoe temennja jang lagi karoesakan, tapi satelah bala tentara orang Japan sampe di itoe tempat liat orang Taij Wan tadi soeda pada lari kasi tinggal itoe peti kosong disitoe, sedeng bala Japan liat begitoe djadi oering-oeringan teroes tembakin dan bakar itoe peti jang memang di sebla bawanja soeda di bikin berlapis ditaroin obat pasang sahingga peti itoe djadi meledoek menjala, apinja menjemboer sana sini, kena pada balanja Japan banjak jang mati, dan jang laen lantas lari kalangkaboet sedeng bala Taij Wan soeda pegat
