— 54 —
iketin satoe boengkoes obat pasang aken goenanja di dalem peprangan.
FATSAL XII.
Perang jang ka-seblas.
Apa jang soeda di tjeritaken di fatsal XI njatalah jang di sebla fihak Japan soeda dapet karoesakan besar, sahingga 6000 lebi balanja Japan soeda binasa sama sekali, sekarang pembatjakoe baiklah kita pergi liat itoe 5 kapalnja Japan jang masi ada berlaboe di loear moeara poelo Taij Pak, itoe 5 kapal ada poenja 7000 lebi bala tentara serta langkep dengen sendjata, jang masi menoenggoe kabar dari antara 6000 lebi bala tentaranja soeda pergi serang di poelo Taij Pak, tapi belon djoega dapet kabar satoe apa, komedian Djendral Japan lantas prenta bebrapa orangnja toeroen sekotji pergi di poelo Taij Pak boeat tjari taoe dari itoe peprangan menang atau kala, maka soeroean itoe soeda pergi dan lantas balik kombali kasi rapport jang bala Japan pergi serang Taij Pak samoea soeda mati sahingga sabidji tiada ada jang katinggalan.
Djendral Japan jang denger itoe kabar lantas bangoen dari tempat doedoekoja, gojang kepala serta membesarken mata doea doeanja diam sadja seperti orang jang kesima, komedian ada sedikit lama ija lantas moefakat pada sekalian panglimanja jang masi moeda serta berangasan, sasoedanja moefakat dengen aseran lantas komendir sama sekali bala tentaranja naek poelo Taij Pak teroes menjerang kadalem, tiba-tiba di djalan ada bertemoe pada bala Taij Wan jang
