-4-
itoe mantri besar poenja nama, jang mana sekalian pembatja tentoe soeda taoe siapaka itoe adanja, sebab itoe maka orang Japan soeda begitoe gampang lantas bisa dapet menaloekin.
Keizer tjina jang seperti di toetoep matanja soeda kepaksa misti teekend bebrapa soerat contract boeat ganti karoegian serta pasraken djoega poelo Taij Wan pada Japan, jang orang Japan tiada doega sekali itoe poelo Taij Wan (bendera item) poenja djendral sa'orang she Lauw serta sekalian anak negrinja jang hartawan samoea tiada soeka menaloek pada orang Japan, sahingga kadoea fihak negri itoe masing-masing angkat sendjata mendjadi perang besar, jang hendak di tjeritaken saperti di bawa ini;
FATSAL 1.
Dengan sanget kita orang hendak tjari taoe djoega dari hal perkara perang di negri Tjina ja-itoe dari kadoea fihak nefjri Japan dan Taij Wan, sekian lamanja belon pernah kita orang bisa dapet taoe dengen terang, apa lagi jang ada termoeat di dalem soerat-soerat kabar sering-sering soeda mengkabarken hal peprangan kadoea negri itoe, jang satoe toelis begini dan jang laen bilang begitoe, hanja pekabaran itoe samoea ampir kita orang tiada bole pertjaja betoel, sahingga membikin poesing kepala sadja, dari sebab itoe kita orang djadi penasaran sekali dan sebrapa bole kita orang hendak oesoet lebi djaoe jang tjara begimana kita orang bole dapet taoe terang, maka dengen sakoenjoeng-koenjoeng adà dateng satoe dari kita
