— 53 —
tiada lama ada kliatan api jang begitoe besar kloearpetja dari dalem tana di mana 4 pendjoeroe, bertamba dateng angin jang besar jang memibikin menjalanja api samingkin besar beserta itoe tangsi-tangsi jang ada di sebla blakang semoea terbakar apinja ada koeroeng pada orang Japan jang ada di sama tengah sedeng balanja Taij Wan jang ada dateng dari tjelatjela goenoeng seperti semoet ada tembakin dan pana pada orang Japan jang lagi bingoeng maoe dapet lolos lantas di potong sama balanja Taij Wan, sahingga balanja Japan semoea pada mati, satoe tiada ada jang katinggalan, ada jang mati tebakaran, ada jang terkoetoeng kepala, ada jang koetoeng tangan kaki dan sebaginja, disitoe maitnja orang Japan jang ada mengletak di tana seperti semoet dan dara orang keliatan seperti rawa.
Djendral Lauw liat begitoe lantas prenta pada bala tentaranja lekas berkoempoel poelang kombali.
Tatkala soeda sampe di roema marika itoe lantas bikin perdamian lagi kerna Djendral Lauw soeda pikir betoel jang ini satoe kali perang soeda dapet kamenangan besar, tetapi soeda tentoe orang Japan tiada soeka hati hingga bole djadi ija nanti kirim bala tentara lebi dari sabegitoe, dari sebab itoe maka Djendral Lauw lantas prenta pada anak negri jang tinggal deket disitoe, kira ada beriboe orang di soeroe masing-masing di tangannja misti bawa 1 iket roempoet kering, djikaloe ada bertemoe pada orang Japan lantas timpoek itoe roempoet di tenga djalan.
Komedian Djendral Lauw prenta tjari binatang andjing ada 1000 lebi masing-masing kepalanja di
