— 52 —
adanja. Komedian Lauw Taij Kongtjoe bersama panglima dan bala tentaranja satelah soeda sampe di Taij Lam teroes mengadep pada papanja marika iloe lantas masing-masing membri hormat pada Djendral Lauw sahingga membikin senang hatinja Djendral Lauw kerna sebab dia poenja anak Lauw Taij Kongtjoe ada dateng membantoe padanja.
Sahabisnja makan nasi sore, marika itoe masing-masing ada bikin berempoekan boeat mengatoer perkara perang dan tatkala marika itoe soeda moefakat betoel, besok paginja lantas di atoer Ijara begimana jang misti di perboeat aken menangkis moesoe, ini pakerdjahan soeda di prentaken dengen keras sahingga dengen sabentaran sadja apa jang misti di bikin lantas mendjadi klaar, komedian tatkala Djendral Lauw selagi doedoek berempoekan sakoenjoeng-koenjoeng ada dateng satoe soldadoe jang kasi taoe. jang di loear moeara ada kaliatan 4 kapal orang Japan, tetapi Djendral Lauw denger begitoe lantas berkata: ,,djangan kwatir ,,maski lagi 10 kapal orang Japan dateng disini kita ,,bole liatin sadja,’’ komedian betoel-betoel ada dateng lagi 5 kapal perang orang Japan jang ada moeat 7000 bala tentara sedeng 4 kapal jang doeloean ada moeat 6000 lebi bala tentara teroes naek kadarat bilangan Taij Lam sakoenjoeng-koenjoeng ada bertemoe pada bala Taij Wan jang lagi djaga bebrapa banjak tangsi disitoe teroes berperang, tapi bala Taij Wan lantas melaga lari kasebla dalem sedeng orang Japan ada oedek sadja teroes meneroes sampe di sebla dalem kira perdjalanan ada setengarian poenja djaoe, disitoe lantas ada kedengeran di 4 pendjoeroe swaranja mariam
