semingkin hari ada semingkin sengit djadi hatinja merasa kwatir, dan sekalian bala tentaranja memang soeda merasa tamat ilmoenja, maka itoe waktoe Kongtjoe ada moefakat pada sekalian panglimanja boeat pergi bantoe pada papanja ja-itoe Djendral Lauw di poelo Taij Wan, maka sekalian panglima itoe djadi girang serta berdjangdji dengen soenggoe hati boeat melawan pada moesoe.
Marika itoe sasoedanja moefakat, maka disitoe Lauw Taij Kongijoe lantas komendir pada 8 panglimanja jang ada disitoe, masing-masing misti bawa 800 bala tentara, serta di prenta lagi 2 panglima masing-masing bawa 1 bataljon 1200 bala tentara laoet jang biasa maen di dalem aer, dan lagi bawa alat peprangan langkep dengen ramsoem bersama-sama Taij Kongijoe aken brangkat pergi di Taij Wan.
Komedian satelah Taij Kongtjoe soeda sampe di bilangan Taij Pak disitoe ada bertemoe hebrapa banjak soldadoe Japan jang lantas sadja di sapoe oleh Taij Kongtjoe bikin bersi hingga satoe tiada ada jang katinggalan, maka disitoe Taij Kongtjoe teroes djalan masok kadalem poelo Taij Wan aken bertemoe djadi satoe pada papa Djendral Lauw, tatkala Taij Kongtjoe berdjalan sepandjang djalan dapet kehormatan besar oleh anak negri, kerna masing-masing marika itoe dapet denger jang Taij Kongtjoe sampe disitoe dengen terepe-repe pasang medja di moeka pintoe serta bakar doepa kajoe wangi dan di tangannja masing-masing ada pegang 3 bidji hio wangi aken membri hormat seliwatnja Lauw Taij Kongtjoe jang namanja memang soeda termashor sakoeliling negri tjina, demikianlah
