Halaman ini tervalidasi
— 33 —
Djendralnja orang Japan sekalian panglimanja jang soeda di bawa katangsinja bandera item lantas di toesoek dimana toelang poendaknja di kasi masok rante besi, seperti hoekoeman di noraka jang sanget sekali sangsaranja. teroes di masokin di dalem boei.
Djendral Lauw lantas toelis sepotong soerat, aken kirim pada radja Japan, jang boenjinja seperti di bawa ini:
- Tatkala tahon jang soeda sakoenjoeng-koenjoeng angkau soeda ambil kebranian boeat menjerang di negri tjina dan soeda pake tipoe daja boeat ambil di negri tjina poenja Hindia, satoe tanda jang angkau maoe oendjoek dari angkau poenja laki-laki sendiri, sedeng begitoe angkau tiada liat mata sekali pada kami berani dateng menjerang di poelo Taij Wan, jang angkau kira kami nanti pasraken menta-menta pada angkau, itoe angkau poenja taksiran ada sala sekali-kali kerna kami masi hidoep jang tiada begitoe gampang angkau bole boeat poenja soeka, dan sekarang angkau poenja bala tentara jang dateng di bilangan Taij Pak soeda kami bikin linjap sama sekali sedeng angkau poenja Djendral dan sekalian panglima soeda ada di dalem boei dengen tangan terantee doea-doea, dan djikaloe angkau masi merasa sajang sama ini angkau poenja Djendral nanti kami soeroe poelang lagi pada angkau, asal sadja angkau soeka kasi poelang sekalian pekakas-pekakas atau kapal perang jang bolenja angkau soeda dapet
3
