Halaman:Tjerita Perang dari Kadoea Fihak Negri Japan dan Taijwan.pdf/33

-31-

pengikoet poen berangkat poelang di mana langsinja, berserta berdjandji pada Djendral Lauw jang nanti hari besok marika itoe hendak mangoendang aken membales pada Djendral Lauw poenja boedi.

Djendral Lauw soeda mendenger itoe perkata'an sahingga masoek di dalem dia poenja akal, maka sa­telah soeda besok paginja Djendral Lauw dengen sigrab prenta bala tentaranja dengen diam-diam atoer dalan 4 barisan boeat djaga di ampat pendjoeroe semboeni dimana tempat jang soelit-soelit mendjaga (baijhok) serta di kasi taoe segala rasia jang tjara begimana marika misti djalanken kaloe soeda di briken tanda (hotauw) djangan sampe mendjadi gagal, satelah perkara itoe soeda di atoer sampe selese, oetoesan dari orang Japan ada dateag mengoendang pada Djen­dral Lauw, dan Djendral Lauw dengen sigra salin pakean kebesaran sedeng dia poenja 6 panglima ada berpake badjoe perang jang di loearnja berlapis pa­kean kebesaran djoega ada berdjalan sama-sama menoedjoe di Tangsi orang Japan sesampenja disitoe tersamboet oleh Djendral Japan dengen segala kahormatan besar, marika itoe adjak masoek ka-dalem aken bermakan minoem dengen segala soeka hati, maka itoe sembari minoem sembari membitjaraken dari perkara perang, dan Djendral Lauw bersama 6 pengikoetnja ada minoem dengen kira-kira sadja dengen Djendral Japan sekalian jang ada disitoe ada minoem sadja teroes-teroesan saperti orang jang tiada poenja sangkoetan lagi sahingga djadi banjak jang poesing, se­deng Djendral Lauw liat begitoe lantas sadja bangoen dari korsi mengloearken dia poenja tanda (hotauw)