— 28 —
komedian lantas Djendral Lauw panggil sekalian bala tentaranja jang dari laen bilangan, seperti bala tentara dari Kwi Tang dan dari laen-laen tempat di soeroe poelang serta di bajar sekalian gadjinja.
Kadoea, Djendral Lauw prenta orangnja boeat kasi naek satoe bendera poeti di badepan tangsinja jang tandanja soeda menjerah kala pada orang Japan.
Katiga. Djendral Lauw prenta satoe panglimanja jang gaga dan taba, serta pande djoega boeat bitjara Japan aken djadi oetoesan boeat bitjarain jang Djendral Lauw hendak bertaloek pada orang Japan dan sebaginja itoe.
Tatkala segala perkara soeda di atoer selesei maka itoe oetoesan lantas djoega brangkat pergi dimana tangsinja orang Japan, maka tatkala itoe Djendralnja orang Japan jang ada di dalem tangsi lagi berdami sakoenjoeng-koenjoeng ada dateng satoe soldadoenja kasi taoe jang dimana tangsinja Djendral Lauw ada berkiber satoe bendera poeti jang tandanja marika itoe hendak menaloek, setelah Djendral orang Japan denger begitoe ija lantas bangoen dari tempat doedoeknja teroes djalan kloear betoel mendapet Lat dimana tangsinja bendera item ada berkiber satoe bendera poeti, jang mana membikin hatinja Djendral orang Japan mendjadi senang sekali, komedian Ija lantas masok kombali kadalem tangsinja aken moelakat pada sekalian mantrinja, sakoenjoeng-koenjoeng kombali ada dateng satoe oetoesan dari orang Taij Wan jang lantas sadja di soeroe samboet dengen hormat adjak masok kadalem, tatkala marika itoe soeda ada di dalem, oetoesan itoe dapet kehormatan besar, dengen makan
