Halaman:Tjerita Perang dari Kadoea Fihak Negri Japan dan Taijwan.pdf/29

— 27 —

pada mendjawab: »Ja padoeka toean Djendral jang

»amat moelia, dengen sänget hamba sekalian ada me-

»ngarep sekali-kali djangan maoe menaloek lebi doeloe

»sama Japan, apa lagi jang memang Padoeka Toean

»soeda bebrapa kali dapet kemenangan, maka kaloe

»hamba taksir maski itoe orang Japan poenja soldadoe

»ada besar bilangannja poen belon tentoe padoeka toean

»gampang mendjadi kala, asal sadja padoeka toean soe-

»ka melawan, hamba orang rame-rame disini dengen

»soengoe hati boeat membantoe ramsoem boeat goena-

»nja toean ampoenja bala tentara.”

Djendral Lauw satelah mendenger sekalian orang ketjil poenja bitjara ija lantas gojang kepala dan men­djawab: »ja samoea angkau poenja perkata'an ada be-

»toel sekali, tetapi tjoba angkau misti inget, ini hari

»kita orang soeda toewa, tiada poenja itoe tenaga boeat

»melindoengin angkau sekalian poenja djiwa, dan lagi

»memang Keizer Tjina soeda pikir betoel, jang kaloe

»ini perang di teroesken djadi pertjoema sadja jang

»mana membikin banjak hilang bebrapa djiwa manoe-

»sia, djadi kesian sekali sama orang-orang ketjil jang

»zonder berdosa, dari itoe sebrapa bole kami harep

»angkau sekalian soeka boeat menaloek pada Japan,

»jang brangkali sadja d a soeka trima sedeng ini perang

»belon di teroesken, kami kira tentoe orang Japan

»soeka toeroet.”

Orang orang ketjil tatkala mendenger Djendral Lauw poenja tjerita begitoe, djadi kepaksa misti menoeroet, apa bole boeat!

Djendral Lauw soeda meliat betoel jang marika itoe soeda soenggoe hati boeat toeroet segala maksoednja.