-25-
dia poenja gaga bolenja memboenoe pada bala Japan, ada seperti matjan dapat ketemoe sama sekawan kambing, bala Japan jang masi idoep troes lari pergi di loewar poelo Taij Pak dan apa jang ada dia poenja pekakas prang atau ramsoem seraoeanja dia kasi tinggal di Kie Liong, disitoe Lim Kwan Tjat soeda dapet ambil kombali itoe kota Kie Liong berserta banjak dapet rampas obat peprangan daa ramsoem, mendjadi Lim Kwan Tjat poenja hati bertamba senang troes doedoekin kombali itoe tempat dan marika itoe lantas membri persent pada panglima sekalian bala tentaranja.
——————
FATSAL VII.
Perang jang ka-anem,
——————
Saperti apa jang soeda di tjeritaken di atas ini jang Djendral Lauw soeda dapet kemenangannja di bilangan Peng Ouw soeda dapet binasaken 4 boewa kapal prangnja orang Japan dan 4 boewa kapal jang telah di rampas serta bebrapa banjak alat peprangan jang ada di dalem kapal itoe, komedian dari itoe Djendral Lauw lantas brangkat pergi menjerang lagi di poelo Taij Pak.
Tatkala Djendral Lauw soeda sampe di dalem poelo Taij Pak lantas prenta soeroe berdiriken tangsi, jang tiada djaoe dari tangsinja orang Japan, dan anak negri disitoe dapet meliat banderanja Djendral Lauw terlampau amat senang hatinja, maka masing masing marika itoe lantas kloear samboet dengen segala kahormatan besar.
