-23-
ada menghatoer medja sembajang di moeka pintoe membri hormat pada Djendral Lauw serta mengoetjap soekoer pada Allah dan sebageinja enz.
Djendral Lauw itoe tempo ada merasa senang sekali lantas komendir soldadoenja aken pergi menjerang di poelo Taij Pak, kerna Djendral Lauw memang soeda taoe jang orang-orang Japan soeda mendoedoekin di loear poelo Taij Pak adanja.
——————
FATSAL VI.
Perang jang ka-lima.
——————
Djendralnja orang Japan jang sentiasa ada mendoedoekin di loear poelo Taij Pak, sakoenjoeng-koenjoeng mendapet kabar dari orang-orang Japan jang melariken dirinja dari perang di Peng Ouw, aken mengasi taoe apa jang soeda djadi di Peng Ouw, Djendral Japan denger itoe kabar djadi terkedjoet tiada terkira-kira, tapi sebole-bole ija mentjari pikiran tjara begimana ija misti berboeat soepaja bole djadi kemenangan, tiada abis mengarti memikiri dari Djendral Lauw poenja keangkeran, maka satelah soeda sampe besok harinja Djendral Japan lantas komendir 500 bala tentaranja jang ada di Kie Liong aken serang di bilangan Sin Tiok dia kira itoe tempat tentoe tiada di djaga betoel.
Komedian balatentara Japan 1000 lebi jang ada di Kie Liong dapet prenta dari Djendralnja aken bawa 500 balatentara boeat perang di bilangan Sin Tiok, sigra djoega brangkat tiba-tiba soeda sampe di se-
