-22-
moeara Peng Ouw, dengen dijnamid di bongkar itoe poelo ketjil jang lantas sadja petja aken menoetoepin itoe plaboean Peng Ouw, sedeng kapal-kapalnja orang Japan jang ada di dalem itoe plaboean roda dan kamoedinja di belit-belit dengen roempoet dan ranterante besi soepaja marika itoe poenja kapal tiada bisa berdjalan lagi.
Bebrapa soldadoe laoet di prenta soeroe saloeloep di dalem aer boeat tanem bebrapa torpedo aken membinasaken kapalnja orang Japan.
Tatkala Djendral Lauw meliat pakerdja'annja soeda rapi, lantas soeroe pasang mariam aken mengasi tanda jang marika itoe poenja tipoe misti di djalanken, dan soldadoe laoet lantas moelai saloeloep aken pasang dia poenja torpedo jang sakoenjoeng-koenjoeng swaranja saperti goenoeng petja terdampar pada kapal-kapalnja orang Japan, komedian Djendral Lauw dari darat lantas bantoe tembak dengen mariam sampe ada 4 boewa kapal perangnja orang Japan jang petja lantas tenggelam, dan jang laen 4 kapal jang blon petja niattannja maoe lari tapi tiada bisa, sebab di mana roda kamoedinja soeda terlibat roempoet dan rante, disitoe orang Japan jang ada di dalem kapal lakoenja ada bingoeng sekali, dengen terboeroe-boeroe toeroenin sekoetjinja maoe lari jang lantas sadja di tembakin oleh soldadoe bandera item, tapi ada djoega jang dapet lari teroes pergi di loear poelo Taij Pak aken merapport pada Djendral Japan jang ada berdiam disitoe.
Maka orang-orang ketjil jang ada di bilangan Peng Ouw semoea merasa senang hati, serta memoedji dari Djendral Lauw poenja kegagahan dan masing-masing
