-18-
jang lantas sadja di panaken pada moesoe jang seperti oedjan toeroennja.
Bala Japan jang lagi berkoenipoel jang mana kena itoe pana lantas mati, dan jang mana tiada kena pana teroes lari kira ada 2 pal poenja djaoe sakoenjoeng-koenjoeng ketemoe sama soldadoe orang Tjhe Hoan jang di tangannja samoea ada bersendjata toembak, pedang dan sebaginja, lantas sadja boenoe-boenoein itoe orang Japan sedeng di tangannja orang Japan maski ada banjak jang pegang snapan tapi kosong sadja, kerna keabisan obat bedil, sahingga mati di boenoe sama sekali oleh Tjhe Hoan, ada djoega bebrapa orang Japan jang dapet lari teroes pergi di loear Poelo Taij Pak boeat merapport pada Djendralnja orang Japan jang ada disitoe.
Di dalem bilangan Taij Lam ada 2 bagian Resident ja-itoe Taij Lam Hoe dan Taij Tiong Hoe doea-doea itoe Resident sebab merasa dirinja soeda toewa dan tiada mempoenjai daja oepaja aken membantoe pada Djendral Lauw, maka dengen sigra marika itoe masok rekest boeat minta brenti dari djabatannja, soepaja bole di ganti sama satoe ponggawa jang terlebi gaga aken merawatin itoe tempat, demikian Djendral Lauw pikir wadjib di kaboelken perminta'an marika itoe, jang lantas sigra di ganti oleh se'orang dari Wie Tjiat bernama Tiong Taij Leng jang lakoenja sikep, gaga dan pinter, aken mendoedoekin dalem itoe 2 bi langan boeat mendjaga jang kaloe-kaloe orang Japan ada dateng menjerang disitoe.
Djendral Lauw ambil kesenangan sedikit waktoe, sekarang pembatjakoe marilah kita liat pada Lim Koan
