-17-
lem aer teroes bakar soemboenja itoe dijnamid jang terhoeboeng di pinggir pasisir, tiada antara lama sakoenjoeng-koenjoeng itoe dijnamid teroes beledoek soewaranja ada seperti goenoeng roeboe dan Djendral Lauw jang ada di atas panggoeng soeda dapet liat begitoe dengen sigra soeroe tembak dari atas benteng aken menoedjoe pada Japan poenja kapal perang, itoe tempo Japan poenja kapal perang 1 boewa jang berlapis besi soeda kena katembak dari atas benteng tambahan kena ieledoeknja dijnamid lantas teroes tenggelem dan lagi 2 boea kapal perang roesak sabingga lantas di rampas oleh bala laoet satinggalnja banjak jang roesak serta soldadoe laoet dari bendera item itoe tempo lantas bersama lompat ka'atas kapal perang Japan mengamoek kalangkaboet, soldadoe Japan jang ada di dalem kapal tiada ada 1 jang sanggoep melawan dan bala Japan itoe waktoe banjak jang mati djato di dalem aer. komedian bala Japan jang ada di darat poelo Taij Pak lagi perang sama balanja Djendral Lauw, serta dapet liat kapalnja Japan jang hendak bantoe padanja soeda dapet keroesakan hatinja djadi kalangkaboet dan satoe panglima Japan soeda mati, soldadoe-soldadoenja samoea pada lari ada kira 5 à 6 pai poenja djaoe baroe brenti aken berdiriken tangsi disitoe.
Balanja bendera item jang memboeroe sadja pada balanja Japan sampe disitoe sakoenjoeng-koenjoeng mega mendjadi gelap trataoe apa sebabnja, sahingga satoe sama laen trabisa liat, komedian Djendral Lauw lantas komendir pada 2000 balanja jang soeda terpeladjar aken memana pada moesoe sedeng anak pana itoe jang memang soeda sedia oedjoengnja di taroin ratjoen
2
