-16-
dagang dengen bawa praoe ketjil boeat melajanin kapal perang Japan jang dateng berlaboe disitoe seboleh-boleh soeroe tipoe soepaja Japan poenja kapal perang pinda berlaboe dimana tempat jang ada dijnamid (Te Lwie) itoe dan Djendral Lauw prenta lagi soeroe bikin tegoe semoeanja benteng-benteng jang ada deket disitoe serta soeroe bikin 1 panggoeng aken goenanja liat ka'adaannja kapal perang Japan, satelah Djendral Lauw soeda selesa apa jang dia soeda atoer disitoe lantas prenta pada sekalian panglimanja dan soldadoe boeat madjoe nienjerang bala Japan jang soeda naek di daratan di mana loewar poelo Taij Pak, maka bala bendera item soeda dapet prenta oleh Djendralnja dengen sigra madjoe tiada antara lama lantas ketemoe pada bala Japan, disitoe kadoea fihak itoe teroes berperang dengen sanget belon ada jang menang atau kala, komedian bala laoet bandera item jang melaga menjaroe djadi toekang tangkep ikan jang terseboet tadi ija soeda melajanin pada kapal perang Japan djoeal barang pergi dateng sahingga orang Japan terlaloe pertjaja sekali, sebab apa itoe soldadoe laoet jang menjaroe djadi toekang tangkep ikan banjak jang pande mengomong Kwitang mendjadi orang Japan tiada ambil tjemboeroean lagi apa dia orang poenja pembilangan, Japan lantas pertjaja maka dari itoe orang Japan kena di tipoe dia poenja kapal perang semoeanja teroes pinda blaboe di tempat jang ada di tanemin dijnamid (Te Lwie) tadi satelah soldadoe laoet jang biasa maen di dalena aer soeda dapet liat kapal perang Japan semoeanja soeda pinda blaboe di tempat jang terseboet tadi lantas bala laoetnja bendera item dengen plahan semoeanja seloeloep kada-
