-15-
Tjat soeda denger dia poenja panglima samoea soeda menoeroet lantas membri persen dia poenja panglima dan bala tentaranja ija itoe tandanja jang marika itoe soeda menang berperang, setelah Lim Koan Tjat soeda selese membri persen disitoe djoega lantas brangkat bersama balatentaranja moendoer pergi di bilangan Sin Tiok.
——————
PATSAL IV.
Perang jang katiga.
——————
Pembatja tentoe soeda taoe, dari Djendral Lauw poenja kegagahan jaug soeda dapet oesir orang Japan jang ada berkoempoel di goenoeng Kie San, sahingga orang Japan banjak jang mati dan loeka, maka laen dari Itoe setinggalnja bala Japan teroes maboer pergi di loear poelo Taij Pak, sedeng Djendral Lauw poen lantas balik poelang ka Taij Lam sentiasa atoer barisan aken adjar sampe paham soepaja djikaloe soeda menampak moesoe djangan mendjadi goegoep, serta segala perkara soeda di atoer rapi, maka Djendral Lauw lantas komendir bebrapa soldadoe boeat pergi menjerang di Taij Pak dan 500 soldadoe jang biasa maen di laoet di prenta pergi di pinggir plaboean Taij Pak bawa saloeloep bebrapa riboe dijnamid (Te Lwi) aken tanem di dalem aer boeat binasaken Japan poenja kapal perang dan jang laen itoe soldadoe laoet dt prenta lagi oleh Djendral Lauw aken di soeroe blaga menjaroe djadi toekang tangkep ikan, atau toekang
