— 128 —
| djangan sampe koerang swatoe apa, dan semoeanja di dalem kota Taij Wan adanja benteng-benteng merijem atau plaboean ketjil besar sekalian moeara-moeara saija soeda liat, misti di atoer jang soepaja bole menamba koeat djangan sampe nanti di blakang hari terserang oleh moesoe dengen gampang, djoega saija harep di atas saija poenja soerat ini Toean mantri jang kwasa di dalem kantoor Tjong Lie Gee Moei soepaja toeloeng di sembaken pada Keizer sebole-bole saija poenja permintaan djanganlah di kasi dosa pada saija boekannja saija tiada soeka boeat bela sama Keizer, kerna dari itoe sebabnja jang saija soeda tjerita sebagi di atas ini soerat adanja. |
Setelah Keizer soeda abis batja DJendral Lauw poenja soerat, maka sakoenjoeng-koenjoeng ada dateng mantri Tjong Lie Gee Moei lantas mengadep pada Keizer aken kasi taoe serta moefakat dari itoe perkara.
Komedian Keizer dengen pendek lantas bikin poetoes sama ini perkara oleh sebab Keizer poenja ingetan tiada maoe lawan lagi pada Japan dan soeka menjera ganti karoegiannja Japan, maka itoe poelo Taij Wan di kasi pada orang Japan, jang mana sekarang mendjadiken berprang sama Djendral Lauw sampe sekarang masi
belon brenti tiada taoe apa djadinja nanti di blakang hari. Siapa jang menang atau jang kala, sekarang sampe disini sadja saija bikin brenti ini tjerita di blakang hari kaloe ada samboengannja nanti saija karang teroesken.
――――◇◇◇――――
