— 126 —
Tatkala orang Japan ada begitoe angsek aken menjerang di negri tjina, maka Keizer tjina merasa laen dari Djendral Lauw tiada ada satoe mantri jang bole di harep boeat tolak datengnja orang Japan, maka Keizer tjina lantas toelis soerat lagi aken panggil pada Djendral Lauw boeat bantoe di negri tjina, serta Djendral Lauw dapet trima Keizer poenja soerat lantas dia maoe brangkat pergi tetapi tertjega oleb Siauw TiongTjin sebole-bole minta Djendral Lauw djangan pergi dari sitoe.
Komedian Djendral Lauw berpikir betoel djoega maski kita ada bebrapa banjak bala tentara nanti bole moesna sama sekali, sebab ada satoe mantri besar di negri tjina jang soeda moelakat lebi doeloe pada moesoe, seperti oeler kepala doea jang amat mandjoernja.
Sigra djoega Djendral Lauw lantas bales Keizer poenja soerat, aken menjataken jang dia tiada bisa dateng bantoe pada Keizer, sebab tiada bisa pake bala tentara jang boekan bala tentara sendiri, jang sekarang soeda banjak terpentjar sana kemari.
Sasoedanja Djendral Lauw membales Keizer ampoenja soerat, disitoe Djendral Lauw lantas toelis lagi satoe soerat boeat di kirim pada kantoor Tjong Lie Gee Moei boenjinja seperti di bawa ini:
Dengen hormat terhoendjoeken kahadepan sobat mantri perdana jang kwasa di dalem kantor Tjong Lie Gee Moei jang bertanda di bawa ini saija Lauw Eng Hok pangkat Koen Boen, disini saija banjak harep toeloeng aken di sembaken kapada Keizer, jang saija soeda dapet prenta boeat di soeroe bantoe perang antara orang Japan di kota Lie Soen, bahoea saija
