― 125 ―
Keizer, dari itoe pangkat dengen soekanja Keizer sendiri soeda koerniaken padanja, tapi dia harep Keizer tiada bole soeka-soeka boeat pangil menghadep padanja, djikaloe tiada dengen soekanja sendiri, dan laen dari iloe Keizer bole prenta dengen soerat sadja padanja, jang dia nanti toeroet dengen segala soeka hati.
Selang bebrapa tabon dari itoe tempo keradjaan tjina tiada koerang swatoe apa, maka tatkala di tahon jang soeda, Keizer Kong Sie Koen ka 20 tahonnja soeda dapet moesoeh pada orang Japan, lantas Keizer Kong Sie Koen prentaken pada Lauw Gie boeat bikin tegoeh di bilangan Taij Wan serta di briken pangkat lagi mendjadi Koen Boen (Djendral).
Djendral Lauw Gie alias Eng Hok jang ada berdiam di An Lam satrimanja itoe prenta dari Keizer dengen sigra ja lantas brangkat pergi di Tuij Wan, dan tempelnja lantas di kwasaken oleh anak-anaknja dan soedara-soedaranja jang pake bandera poetib dan koening.
Sesampenja di Taij Wan Djendral Lauw di samboet oleh pembesar di itoe tempat saorang she Siauw pangkat Taij Tiong Tjin, maka disitoe Djendral Lauw dengen radjin teroes preksa di itoe tempat dan bikin tegoeh dimana Taij Pak sama Peng Ouw serta di sediaken roepa-roepa alat peprangan, seperti: bebrapa banjak mariam, besar ketjil snapan, roepa-roepa matjem, goedang-goedang obat semoea di soeroe isi biar penoe serta di tamba bebrapa banjak benteng-benteng boeat semboeninja soldadoe dan sebaginja jang perloe misti di pake.
Setelah soeda abis preksa itoe tempat maka Djendral Lauw balik kombali di Taij Lam di tempat pembesar Siauw Tiong Tjin aken moefakat disitoe begimana baenja.
