-11-
item sendiri ja-iloe bala Taij Wan beda sekali lakoenja, maski marika itoe meliat bala Japan sabegimana gaganja djoega, ija poen tiada sedikit merasa djeri atau takoet, sentiasa dengen sengit dia melawan teroes tiada perdoeli mati, asal sadja marika itoe bole bikin poeas bati melabrak pada bala Japan, kerna marika itoe terlaloe bentji sekali, seperti jang djaga di bilangan Sam Sian Nia poenja soldadoe bandera item tjoema tiada ada brapa orang, tatkala marika itoe meliat bala Japan poenja dateng lantas sadja kadoea fihak itoe dengen sengit ija melawan, tatapi dari sebab bala Taij Wan (bandera item) sedikit bilangannja maka djadi kepaksa itoe tempat kasi orang Japan rampas, bersama di bilangan Saij Kioe Nia djadi samoea ada 4 tempat jang soeda djato di tangannja orang Japan, jang mana membikin hatinja orang Japan samingkin bertamba besarnja.
Maka pada swatoe hari Lim Koan Tjat ja-itoe jang djaga di bilangan Pat Tjie, mendapet kabar jang di bilangan Saij Kioe Nia, Sam Sian Nia, Heng Tjoen dan Kie Liong 4 tempat samoea soeda djato di tangannja orang Japan, disitoe Lim Koan Tjat lantas bangoen serta angkat dan gojang kepala laloe bertjoetjoeran aer matanja, komedian ja berkata sama sakalian panglimanja jang ada disitoe; »kita orang tiada ada doega
»sekali pegimana jang itoe 4 bilangan sakoenjoeng-
»koenjoeng bole djato di tangannja orang Japan? bra
»paka kagagabanja orang Japan? ach tentoe ini ada
»satoe sebabnja ! kaloe begitoe laen hari orang Japan
»tentoe brani dateng serang djoega kita poenja tempat
»maka sekarang angkau sekalian poenja pikiran pegimana,
»apaka soengoe hati boeat oesir kombali itoe orang
