-119-
200 orang lebi, jang di kepalai oleh Lauw Gie sendiri soeda atoer dan bikin platoeran jang bagoes sahingga itoe 200 orang lebi semoea dengen segala soeka hati menoeroet padanja, saloe sama laen ada seperti soedara.
Itoe tempo waktoe keradjaian merk Tong Tie baroe moelai pegang tachta keradja'an, hingga sana sini di koeliling tempat banjak peroesoehan aken merampas boeta toeli sekalian anak negri poenja hak, hingga bikin banjak poesing pada negri.
Ada swatoe hari di bilangan An Lam Afdeeling In Lam disitoe ada kedatengan swatoe perkoempoelan brandal jang soeda bikin hoeroe hara disitoe jang ampir tra dapet di pademken oleh radja An Lam, hingga membikin koesoet di dalem negri, itoe tempo kebetoelan Lauw Gie bersama-sama kambratnja ada dateng aken bawa dagangannja disitoe mendapet liat ka-ada'annja itoe brandal-brandal jang sanget berbanta, maka disitoe Lauw Gie pake tipoe boeat pademken itoe peroesoehan sahingga sekalian brandal-brandal banjak jang menaloek padanja maka itoe tempo bole di bilang tiada ada hoeroe hara lagi di dalem bilangan An Lam, dan sekalian anak negri merasa senang.
Kabar ini begitoe lekas soeda sampe pada radia An Lam jang lantas saiija panggil pada Lauw Gie serta di briken persent padanja swatoe tempat tanah oetan di pegoenoengan boeat bersiken dan poengoet kahasilannja disitoe. Tiga tahon poenja lama Lauw Gie soeda rawatin disitoe dengen radjin hingga itoe tempat oetan mendjadi bersi dan terang serta di bikin sawa dan kebon serta boea-boeahan jang mengasi hasil padanja, maka tatkala radja An Lam dapet taoe dari
