— 118 —
FATSAL XXX.
Menjeritaken hal DJENDRAL LAUW.
——————
Sekalian apa jang di tjeritaken di alas ini sahingga sampe terang begimana adanja perang antara Japan dan Taij Wan, dan begimana kagagahannja Djendral Lauw jang soeda bikin moendoer sekalian bala tentaranja orang Japan, aken tetapi tentoe sekalian pembatja hendak tjari taoe djoega siapaka itoe jang di seboet Djendral Lauw dan dari mana asal oesoelnja dan begimana ija sampe bole dapet pangkat Koen Boen, hingga bisa mendoedoekin poelo Taij Wan aken memakloemken perang pada Japan. Maka sebrapa bole kita soeka djoega kaboelken pada sekalian pembatja ampoenja maksoed, sekedar apa jang kita taoe, seperti apa jang terseboet di bawa ini:
Jang di seboet Djendral Lauw nama Eng Hok asalnja orang dari bilangan Kwi Saij, tempo masi moedanja orang seboet padanja Lauw Gie alias Eng Hok badannja lebar serta tinggi besar, roepanja begitoe tjakep dan angker, dari dia poenja dandanan ada setimpal sama dia poenja tenaga jang koeat serta mempoenjai pikiran tadjem, maka dari segala roepa pladjaran gampang sekali dia dapet mengarti, dia ada hidoep dengen berdagang ketjil sadja, tetapi dari sebab dia poenja moeloet manis serta hormat satoe sama laen djadi semingkin lama dagangannja semingkin madjoe serta banjak memoenjai sobat handei, sana kemari orang soeka tjampoer bergaoelan padanja, komedian Lauw Gie ada gerakin swatoe perkoempoelan resia kira ada
