-10-
selaennja itoe pada lari pergi di loear poelo Taij Pak aken merapport pada Djendral orang Japan jang memang ada berdiam disitoe, dengen bersama bebrapa banjak balatentaranja. Maka tatkala Djendral orang Japan mendenger kabar itoe jang Djendral Lauw soeda bikin moesna Ija poenja balatentara di goenoeng Kie San, sahingga mendjadi sänget goesarnja dan berkata: jang ija nanti maoe labrak pada bandera item bikin moesna sama sekali, maka tatkala waktoe soeda djadi pagi, itoe Djendral Japan lantas komendir dia poenja 2 panglima bersama 3300 balatentaranja di petja 2 barisan jang saloe barisan menoedjoe di bilangan Heng Tjoen boeat poekoel dimana moeara-moeara sekalian menjegat pada bandera item poenja djalan, dan jang laen di prenta aken pegat dimana djalanan Kie Liong, komedian Djendral Japan prenta lagi 1000 balatentara dengen diam-diam pergi di bilangan Sam Sian Leng atau orang seboet djoega Sam Sian Nia, boeat merampas bandera ilem poenja benteng mariam dan jang laen-laen pekakas jang ada disitoe.
Tatkala bala Japan soeda sampe di dalem itoe 3 bilangan sakoenjoeng-koenjoeng teroes sadja menjerang, lakoenja ada begitoe gagah sekali, jang dengen sabentaran sadja soeda bisa rampas di dalem itoe 3 bilangan poenja tempat, dari sebab jang djaga di bilangan Kie Liong dan Heng Tjoen samoea kebanjakan soldadoe dari negri Tjina ja-itoe Hoaij Koen jang biasa makan smeer, apa lagi kaloe marika itoe meliat orang Japan datengnja begitoe gagah di taksir tiada sanggoep tangkis, lantas sadja marika itoe berbalik poekoel temennja sendiri, begitoelah adanja, tetapi kaloe bala bandera
