-103-
10 orang di minta 3 orang boeat bantoe djadi soldadoe boeat bikin tegoe di dalem ini kota Taij Wan.
Prentaban ini berdjalan belon ada bebrapa hari dengen sebentaran soeda ada berkoempoel bebrapa riboe orang jang dengen segala soeka hati boeat bantoe pada Djendral Lauw.
Komedian sakoenjoeng-koenjoeng Djendral Lauw dapet kabar jang dimana kota Taij Tiong ada kedalengan brandal jang soeda merampas orang-orang dagang dan anak negri poenja harta banda, maka dengen sigra Djendral Lauw lantas prenta satoe panglima dengen bebrapa bala tentara boeat pergi di Taij Tiong aken pademken itoe peroesoeban, tapi pertjoema sadja kerna brandal itoe soeda tiada ada, komedian Djendral Lauw prenta 2 panglima Khoe Tjin Soe sama Lim Tiauw Tong masing masing bawa bala tentara di soeroe djaga di kota Taij Ka sama di Sin Tiok Koan poenja kasenangan djangan sampe tergoda disitoe.
Sasoedanja di atoer dalem negri poenja kasenangan, maka sentiasa Djendral Lauw ada intip sadja dari orang Japan poenja kapal, sahingga sampe bebrapa hari belon djoega ada kliatan orang Japan jang dateng, komedian Djendral Lauw soeroe pindaken bala tentaranja di sebla dalem kira ada 10 pal poenja djaoe, soepaja orang-orang Japan biar brani naek kadarat, tapi maski begitoe belon djoega sampe bebrapa hari belon kliatan orang-orang Japan ada jang brani boeat naek, maka disitoe Djendral Lauw dapet pikiran, dari orang-orang anak negri jang ada tinggal di Tam Soei, Sin Tiok dan Taij Ka kaloe soeka bole pinda di Lwee Tee, sebab disitoe Djendral Lauw maoe
