-102-
perang pada orang Prasman, dan soeda di kasi poelang kombali katempatnja, sekarang marika itoedapet denger lagi jang Djendral Lauw ada memahioemken perang pada Japan di Taij Wan, maka masing-masing marika itoe lantas berkoempoel moetakat rame-rame hendak pergi membantoe pada Djendral Lauw, komedian marika itoe lantas moelai merampas pada antero Bank-Bank jang besar-besar disitoe dapet wangnja kira ada 500,000 thail perak dan soeda dapet tipoe pada satoe kapal perang bangsa Europa beserta dapet bebrapa banjak pekakas perang sama lagi 400 pikoel obat pasang, semoea marika itoe lantas angkoet bawa pergi di Taij Wan.
Sesampenja marika itoe di Taij Wan, maka sekalian orang bangsa koelit poeti jang ada berdagang disitoe semoea djadi ketakoetan, tapi dari sebab Djendral Lauw poenja komendir, maka masing-masing itoe bala tentara tinggal berkoempoel tiada brani boeat merampas, dan sekalian orang dagang djoega mendjadi senang tiada kwatir lagi nanti bole tergoda lagi pada bala tentara.
Komedian Djendral Lauw lantas prenta pada orangnja boeat tjari boeloe ajam, bamboe, minjak pasang, minjak tana dan minjak menta, di toempoekin seperti goenoeng, tapi belon taoe ini barang apa jang Djendral Lauw hendak bikin. Komedian Djendral Lauw prenta keras pada ponggawa-ponggawa jang pegang perkara ramsoem soeroe sedia betoel djangan sampe djadi kalangkaboet atau kakoerangan apa-apa dan lagi di prenta pada masing-masing residentie poenja anak negri djikaloe ada soeka di dalem 1 roema kaloe ada
