-
68
-
Minoeran itoe moelai bikin lobang di pagar. Lantas, tempo soedah ada lobang, voortroep itoe madjoe, tetapi ketemoe pagar lagi satoe, lebeh besar lagi dan lebeh koewat. Dengan banjak soesah di sini di bikin lobang djoega, tetapi, baroe voortroep itoe soedah tersiar dan madjoe, sebentar di pasang oleh moesoeh. Tida bagitoe banjak orang jang di kena pelor, dan lagi voortroep itoe sampej di soewatoe tanah lapang, ada lima poeloeh elo pandjangnja dan lima poeloeh elo lebarnja. Di sebelahnja tanah lapang ini ada soewatoe benteng; koelilingnja ada pagar bamboe doeri, dan kanan kiri ada lobang² di mana ada orang Atjeh, jang pasang pada kita orang. Lantas sasoedahnja voorhoede merapat dengan voortroep, semoewa sekarang madjoe dengan looppas. Toewan littenan van der Zee tjoba toebroek benteng itoe dari belakang, kiranja barangkali dari sini lebeh gampang. Tetapi di sini ada pagar djoega dari bamboe doeri. Littenan itoe lantas tjoba masoek di pagar; dija berdjalan merangkang dan pedangnja di seret pada koewasnja di moeloetnja tida di pedoelikan doeri² itoe. Tangannja dan moekanja loeka semoewa, tetapi