-
64 —
Baiknja moesoeh sekarang tida boeroe lagi, sebab soldadoe2 semoewa soedah tjapej sekali. Soldadoe2 jang memikoel orang loeka itoe, hampir tida bisa berdjalan lagi. Di sini sekarang patroeli itoe berhenti sebentar. Bai'knja ada ajer minoem. Soldadoe2 itoe, sampej orang 2 jang loeka pajah sekali, mengatakan banjak trima kasih pada toewan kapitein Bode dan littenan 2 . Tjoba pikir; tjoema dengan 25 orang dija soedah mentahan moesoeh ada 300 orang, dan lagi moesoeh itoe poenja tempat baik sekali. Sasoedahnja berhenti sedikit, kita orang berangkat lagi. Djam poekoel sepoeloeh koerang seperapat kita sampej di benteng Toengkoep. Djadi begitoe patroeli itoe soedah berperang ada tiga djam setengah lamanja. Waktoenja sampej di Toengkoep kita ketemoe soewatoe kolono, ada doewa ratoes orang, jang maoe pergi ka Tjot-Rang. Kolono ini soedah dapat perentah akan tjari orang 2 mati dan akan membawa koembali ka-benteng. Orang 2 loeka dari patroeli itoe di tinggali di Toengkoep di roemah sakit. Soldadoe2 jang lajin trima pelor, dan lagi, sasoedahnja berhenti sampej djam setengah doewa belas, dija orang berangkat ka-
