— 41 — Toewan djendral van Swieten dan toewan djendral Verspijck nanti datang di belakang kolono itoe. Baharoelah kolono itoe keloewar dari bivak, sebentar di pasang dari sebelah wetan dan dari sebelah kidoel sebelah wetan. Kampong itoe, dari mana kita orang di pasang soedah di bikin koewat sekali oleh moesoeh. Di pinggir kampong itoe ada bèntèng 2 an dan lagi ada parit 5 djoega di segala tempat, di mana boleh masoek dengan gampang di kampong. Toewan djendral van Swieten ini, belom maoe berperang dahoeloe ; maoe tahoe sadja tanah lapang itoe ada atawa tida. Djadi ija kirim satoe opsier kakolono jang di moeka itoe, dengan perentah bahoewa kolono itoe misti pergi ka-sebelah kidoel dengan mengikoet pinggir kali Atjeh itoe. Lantas bagitoe, hoofdkolono itoe membiloek kasebelah kidoel, tetapi waktoe berdjalan di pasang sadja dari benteng 2 oleh moesoeh. Benteng 2 nja orang Atjeh itoe, roepanja di bikin baik sekali. Lantas kolono itoe maoe ambil benteng 2 ini. Waktoe marijam* tinggal pasang sadja, orangsoldadoe jang lajin madjoe, sampej ketemoe moesoeh. Boenjinja manjam 2 itoe terlaloe sekali; tinggal pasang sadja benteng *nja moesoeh. Wah, roesoeh betoel di sitoe; dan perang itoe terlaloe sekali.
