APA ARTINJA YOGA.
jang soedah diketaoei, dan banjak didjalanken oleh kaoem jang perhatiken kamadjoean batin, dengen toedjoeannja ada boeat mengenal atawa bersatoe pada itoe kabeneran, boeat mana orang haroes didik dan membiasain pikirannja soepaja menoedjoe ka tingkatan tinggi, hingga bisa mengarti baek sifat sabenernja dari ini doenia, jang kaliatan atawa tida kaliatan, jaitoe jang kasar atawa aloes. Inilah ada toedjoean jang paling dioetamaken oleh kaoem Yogi, jaitoe orang jang mendjalanken dan perhatiken Yoga.
Tapi itoe perkataän Yoga ada poenja laen-laen artian lagi jang lebih loeas. Itoe seboetan pada masa ini biasa digoenaken oleh bangsa Hindoe ampir dalem segala atoeran beeat mentjari kamadjoean batin dalem mana roh manoesia (Djiwatma) bisa terbebas dari Maya atawa kahidoepan doenia jang serba palsoe, dan dapetken persatoean dengen Ishwara atawa Soemangetnja Djagad.
Djalan atawa daja oentoek dapetken itoe persatoean ada terbagi dalem doea golongan besar jang dinamain HATHA YOGA dan RADJA YOGA.
Menoeroet HATHA YOGA kamadjoean atawa mendjalarnja roh manoesia bisa didapet dengen menggoenaken badan kasar jang dipetaken mendjadi beberapa matjem siker (siueкеp), dan dengen mengatoer tjara bernapas, atawa laen-laen tjara dimana toeboeh dan pikiran dididik dan dibiasain. Dalem kitab Theosophy and the New Psychology toedjoeannja Hatha Yoga ada diterangken :--
,,Itoe theorie dani Hatha Yoga adalah begini: bahoea, kapan diambil sa'anteronja, ada paling gampang dimoelai atawa dioesahaken dengen itoe badan kasar, sebab dengen begitoe kaoe
djadi beroeroesan dengen satoe barang jang sedikitnja kaoe ada taoe bagimana sifatnja}}
3
