TAO TEH KING.
terlaloe rendah dan ketjil boeat mengarti sampe abis sifatnja Tao, jang kapan dioesoet ka depan tida bisa kaliatan permoela'annja, dan kapan diikoetin dari blakang tida ada achirnja. Seperti sakoempoelan koetoe aer dalem satoe kobakan ketjil tida nanti bisa kenal sifatnja laoetan jang begitoe loeas, demikian poen manoesia biasa poenja pengartian tida bisa sampe boeat mengenal pada sifatnja Tao, kerna apa jang orang bisa mengarti tjoemah berwates pada pengataoeannja sendiri jang masih sänget tjoepet, maka dengen goenaken oekoeran dan pengartian jang kita-orang ada poenja, itoe Tao tida bisa didjadjakin, ditaksir dan dibriken nama, hanja selamanja tinggal djadi satoe resia jang ada di loear kemampoeannja manoesia boeat petjahken. Tapi maskipoen sifatnja ada begitoe samar, orang masih bisa kenalin Tao poenja toedjoean atawa watek, dan dengen mengikoeti pada itoe toedjoean, atawa boleh djoega dibilang wet dari alam, jang dalem agama Buddha dinamaken Dharma, orang nanti bisa bertindak ka djalanan bener.
Tao tida bisa dimengarti dengen goenaken manoesia poenja otak (katjerdikan) atawa poen lima matjem perasa'an (pantjadrija) jang beratsal dari badan kasar; orang tjoemah bisa kenal dan persatoeken diri pada Tao dengen iapoenja roh jang tinggi serta djaoeken pengaroehnja iapoenja badan kasar dan segala barang doenia. Maskipoen itoe persatoean kaliatannja tida gampang, tapi sabenernja tida terlaloe soesah, kerna segala apa jang tertjipta ada beratsal dari Tao, hingga boeat balik lagi kapada Tao bagi manoesia ada seperti poelang kombali ka dalem
roemahnja sendiri, dan pengataoean dari djeman
64
