TAO TEH KING.
kadjadian apa-apa jang membikin kamoeljaännja djadi moesna dan berbalik moesti hadepken roepa-roepa kahina'an jang satiap sa'at bisa dateng dengen mendadak ; ia berkoetet aken pikirin segala matjem akal dan daja boeat pegang tetep kamoelja'annja. Dengen begitoe itoe kamoelja'an dan kahina'an doea-doea ada tergaboeng oleh rasa takoet dan koeatir jang tida abisnja. Saorang hartawan takoet nanti ilang atawa djadi koerang kakaja'annja ; satoe pemimpin koeatir linjap atawa merosot pengaroehnja; satoe pembesar takoet ilang atawa lemah kakwasa'anrja, dan saorang dagang koeatir pentjariannja nanti djadi moendoer atawa kena roegi.
Sabaliknja kaberoentoengan dan katjilaka'an ada berhoeboeng pada orang poenja diri, jaitoe persoon atawa sang diri jang berbeda dari laen-laen orang, jaitoe jang dinamaken Sang Akoe. Maka kapan katjilaka'an dateng menimpah,jang bakal merasain ada itoe orang poenja diri. Tapi kapan orang berlakoe seperti Lao Tze aken tida poenjaken personaliteit (diri jang terpisah atawa berbeda dari laen orang) pastilah ia aken terbebas, baek dari katjilakaän atawa poen kaberoentoengan, kerna apa jang doenia namaken „kaberoentoengan” poen sifatnja tida kekel dan ada bergandengan pada kasedihan dan kadoeka'an. Dengan tida kapingin poenjaken kakwasaän, kakajaän, kaagoengan, tida membentji atawa menjinta, tida perdoeli dibentji atawa ditjinta oleh laen orang, hanja pandang segala apa sama-rata, itoe jang dinamaken „katjilaka'an” dan „kaberoentoengan” mendjadi tida berarti sama sekalih, dan hatinja tida oesah iboek, koeatir atawa takoet nanti kailangan deradjat, kakaja'an, pengaroeh, nama baek dan sabaginja lagi, jang ia tida taro
60
