TAO TEH KING.
ka dan tida soeka jang membikin timboelnja sikep berfihak atawa menjeblah pada jang satoe dan mendjaoehken atawa memoesoehken pada jang laen. Dari sebab sifatnja Tao selaloe samarata, tida perdoeli besar atawa ketjil, moelja atawa hina, baek atawa djahat, maka siapa soedah hidoep di dalem Tao tida soeka membeda-bedaken, hanja pandang sama-rata pada segala apa. (Ajat 2).
Ajat 3 oleh Professor Giles dianggep ada amat samar, dan ia sangka itoe oedjar tjoemah satoe interpolation, jaitoe boekan beratsal dari Lao Tze tetapi soedah ditambahin oleh laen penoelis jang dateng blakangan dengen setjara kliroe hingga membikin roesak maksoednja. Ia anggep ada barang moestail aken Lao Tze seboet-seboet Shang-ti atawa Toehan jang memerentah Langit dengen bersifat persoonlijk dan berdiri terpisah dari Tao, kerna ini anggepan ada bertentangan dengen Lao Tze poenja sijsteem tentang sifatnja pendirian alam. Tetapi oleh kabanjakan penjalin laen ini oedjar tida disangsiken katoelènannja, hanja lantes ditjoba boeat briken artian jang dirasa tjotjok. Menoeroet Goni Old, Lao Tze poenja philosofie jang berhoeboeng dengen ini soeal bisa diterangken begini :
Pokok Permozlahan: Tao.
Sebab jang menggerakken: Toehan.
Hatsil atawa kasoedahannja: Penjipta'an.
Toedjoean jang achir: Kagoena'an.
Dengen begitoe kita bisa dapet liat bahoea Tao ada lebih atas dari Toehan, sebab Toehan tjoemah ada penggerak atawa jang mendjadi sebab, dan hatsil dari pakerdja'annja Toehan
30
