Artinja perkataän Tionghoa
jang digoenaken dalem ini boekoe.
Menginget ini boekoe aken dibatja oleh segala bangsa, maka terselipnja beberapa perkata'an Tionghoa pastilah membikin koerang poeasnja bagi marika jang belon taoe. Maka disini ada diberi artian dari beberapa perkata'an dalem ini boekoe sakedar jang belon diterangken di dalem tekst.
Bing, Tjahaja Terang jang berada di langit.
Bo-Eng, rèpot, tida sempet.
Boe-Too, Tida mengenal atawa tida menoeroet Too (Tao) atawa Wet Kabeneran.
Djiat-Siem, hati panas, bernafsoe keras atawa soedjoet aken lakoeken perboeatan baek dan berfaedah.
Giok (Batoe Giok), samatjem batoe akik (jaspis) jang bening, roepa-roepa warna dan berharga mahal.
Koen-Tjoe, orang Boediman.
Kong Ek, pakerdja'an oentoek kabaekan oemoem atawa kafaedahan orang banjak.
Kouwkati, oetamaken diri sendiri (zelfzuchtig).
Liang-Siem, setaoe-hati, geweten.
Li-Kiat, tjoerang, tjerdik-nakal.
Poet-Hauw, tida berbakti pada iboe-bapa.
Seng, watek aseli, boedi, dari manoesia.
Shang-Ti (Siang Tee), Toehan atawa Keizer dari Sorga jang bersifat persoonlijk.
Sia-Hwe, pergaoelan oemoem, maatschappy.
Sian-Soe, Goeroe-soetji, Meester, Mahatma.
Siauw-Djin, manoesia berbatin rendah, tida berboedi (sabaliknja dari {{sc|Koen-Tjoe).
Sien-Hoen, Roh manoesia jang kekel (Atma, Boeddhi dan Manas-atas).
Soei-Phoa, pekakas mengitoeng pake bidji jang biasa digoenaken oleh orang Tionghoa (telraam).
Thay-Kek, poko pertama jang djadi soember dari kahidoepan dalem ini alam (Sanskrit: Alaya).
Thian, Langit, Sorga, Toehan jang tida berwoedjoet atawa tida persoonlijk.
Tjing-Li, pertimbangan jang berdasar atas alesan bener atawa pikiran sehat.
