Halaman:Tao Teh King.pdf/107

Dari Wikisumber bahasa Indonesia, perpustakaan bebas
Halaman ini tervalidasi

MEMISAHKEN DIRI.


soed memang orang moesti djaoeken atawa tida kasih dirinja teriket pada doenia jang penoeh gontjangan. Dengen bersatoe pada Tao orangpoen sendirinja djadi bersatoe dengen segala apa jang ada di ini alam. Sasoeatoe pertjoba'an dari manoesia, biar poen bagimana pande dan pinter, aken bikin beres dan tentrem pada doenia, soedah pasti aken sia-sia, kerna lekas atawa lambat aken antjoer dan roesak kombali. Tida ada satoe apa jang tinggal kekel dalem ini doenia katjoeali jang berätsal dari Natuur. Maka tjoemah dengen persatoeken diri pada Na­tuur, pada itoe Tao atawa Wet Kabeneran jang melipoeti antero alam, baroelah bisa didapet kätentreman sampoerna. Dan satoe kalih orang soedah dapet itoe katentreman, ia tida perloe riboetin lagi itoe segala oeroesan tektek-bengèk dalem ini doenia jang sifatnja saliwatan dan saban sa'at bisa berobah.

Tao Teh King (page 107 crop)
Tao Teh King (page 107 crop)

91