MEMISAHKEN DIRI.
tjok dengen philosofie dari Omar Khayyam jang, dalem sairan xiviii dan xlix, ada membilang: „Salembar ramboet brangkalih memisahken pri kapalsoean dan kabeneran.” Itoelah sebabnja maka Lao Tze poedjiken soepaja orang pandang saroepa sadja pada sifat baek dan djahat, soesah dan senang, oentoeng dan roegi dan laen-laen pasangan jang bertentangan, kerna sabagitoe lama orang masih mengandel dan maoe adoein iapoenja katadjeman otak, kapinteran dan katjerdikan, ia tida nanti terbebas dari segala perboeatan sia-sia, jang timboel dari hawa nafsoe aken dapetken kakajaän, kabesaran, kakwasaän dan laen-laen kainginan doenia jang berätsal dari kaserakahan, hingga ia tida nanti bisa dapetken katentreman jang sampoerna. (Ajat 1 sampe 5).
Lao Tze terangken jang dirinja ada saorang bertabeat doesoen dan pemaloean, jang tida mengandoeng angen-angen besar dan moelja,jang tida bisa ikoetin aliran dari kamadjoean, hingga sifatnja seperti satoe anak ketjil, atawa saorang toekang bergelandangan jang kesasar, satoe anak jang tida poenja tempat tinggal hingga tida taoe dimana moesti taro kapalanja boeat tidoer, kerna tjara menoentoet kahidoepan dalem ini doenia ada serba asing dan laen djaoe sama apa jang djadi iapoenja toedjoean. (Ajat 6 dan 7).
Boeat oendjoek bagimana djaoe itoe perbedaän, Lao Tze terangken, sedeng laen-laen orang tjari, kedjer, pegang, poenjaken dan koempoelken segala apa jang bisa didapet dalem ini doenia, ia sendiri melepas dan mendjaoeken, dan malah kailangan segala apa jang doeloe ada djadi milik atawa kapoenjaännja. Boekankah ini
89
