-152-
Begitoe ini perkerdjaän soeda selese, Kwi Kok poen sigra balık kombali ka goanja, dengen tinggalin Soen Pin sendiri di sitoe, seaken-aken orang jang betoel betoel soeda mati.
Samentara itoe, terseboet Tji Kak jang membawa firmannja Gwi Ong telah dateng sampe di goenoeng Hoen Bong San, teroes mentjari pernanja goa Tjoei Liam Tong. Kapan ia soeda berada di depan pintoe goa, djoestroe ia dapetken seorang anak pertapaän ketjil ada lagi berdiri di sitoe, sigra djoega ia samperin dengen lekas.
„Kong ini," berkata lebi doeloe sang anak pertapaan, sebelonnja Tji Kak sempet mem-boeka moeloet, apakah boekan ada oetoe-san dari negri Gwi?"
Dalem hatinja Tji Kak djadi bertjeket, kaget tertjampoer heran, sembari berkata seorang diri:
„Aneh! Tjara begimana dia lantas bisa mengetahoei jang akoe ini ada oetoesan dari Gwi Kok?"
Abis berpikir, ia lantas membilang pada si anak pertapaän terseboet:
„Ja, bener sekali akoe ini ada oetoesan dari negri Gwi, sengadja dateng kemari hen-dak mendjoempaken Kwi Kok Sian Soe
