-151-
Di goenoeng blakang, pada betoelan djoeroesan Selatan, ada terdapet soeatoe koeboeran batoe jang kosong; ka dalem mana, kaoe boleh masoek tidoer dengen kepala mengadep ka Selatan dan kaki me-ngadep Oetara. Di dalem moeloet haroes mengoeman 49 bidji beras poeti dengen di-basaken sama aer loeda, sekali-kali djangan-sampe meneleni masoek dalem tenggorokan. Dengen begini, kaoe aken selaloe tinggal kenjang dan kaloe soeda mengoempet me-laleein 49 hari lamanja, sigra djcega kaoe-poenja bahaja besar djadi liwat serta tiada aken hadepin kesoekeran apa- ара."
Soen Pin berdjandji aken mendjalanken betoel-betoel sebegimana dipesen, begitoe-lah malem-malem itoe djoega Kwi Kok laloe membawa sang moerid dateng ka goenoeng blakang jang pernanja di betoelan Selatan. Bener sekali di sitoe ada kedapetan soeatoe koeboeran jang kosong. Maka Soen Pin de-ngen menoeroet adjarannja sang goeroe, moeloet mengoeman 49 bidji beras poeti, masoek tidoer ka dalem itoe dengen kepala mengadep Selatan dan kaki mengadep Oe-tara. Di bagian moekanja koeboeran, ada diberdiriken satoe bong-paij di mana tertoelis: „Jan Kok, Soen Pin, ampoenja koeboeran."
