-139-
djace, dia poen pande panggil angin, men-datengken oedjan, menggoenaken kilat sam-pepoen menitah gledek menoeroet prenta-nja. Djikaloe dia itoe lagi mendjalanken pa-soekan, dalem sekedjapan mata dia bisa afoer sesoeatoe barisan sebegimana dike-hendakin. Bisa menjiptaken pepoehoenan, reroempoetan, pasir dan batoe, antero idoep sebagi laskar boeat tempoerin moesoe, hingga soeker aken orang bisa mengalaken pa-danja. Kaloe sadja Tjiok He beroentoeng bisa mengoendang itoe orang toeroen goe-noeng boeat sama sama berkerdja dan membantoe pada Gwi Kok, nistjajalah ini negri bakal tinggal slamet laksana tegoenja Thaij San; begimana djoega, tiadalah aken bisa roesak biarpoen seoepama kata selembar ramboet sadja. Samentara itoe, radja radja moeda dari berbagi-bagi negri, pastilah aken beroentoen-roentoen dateng menaloek pada Gwi."
Abis berkata begitoe, Ong Go poen lan-tas berpamitan pada Bang Koan dan lang-soeng balik poelang ka le San, sedeng Bang Koan di sini djadi tinggal doedoek terme-noeng seorang diri.
,,Och," katanja di dalem hati, tiada njana bahoea Soen Pin berbalik soeda mempoe-
