-130-
,,Kho telah mendapetken Keng, adalah seoepama goenoeng mempoenjai matjan jang galak, samentara di antara Liat Kok maskipoen ada terdapet jang koeat-koeat, en toch tiada aken ada jang brani dateng mendeketin; maka sekarang, dengen menggoenaken ini kesempetan jang bagoes, Kho pikir ada baek sekali lantas pentang pengaroeh lebi loeas, agar soepaja bisa menoendoekin laen- laen radja moeda. Aken tetapi, belon taoe begimana lagi Keng ampoenja pendapetan ?"
,,Sabar, Ngo Ong !" saoetnja Bang Koan, ,,sesoeatoe pergerakan besar boeat ini tempo, mast belon boleh digerakin dengen sembarangan! Biarpoen bener sekarang negri Tje telah njataken menaloek, tapi toch masi ada itoe sekean negri-negri besar jangkoeat, oepamanja: Tjin, Tjhouw, Jan, Han dan Tio; dari itoe, djanganlah kita lantas bergerak zonder lebi doeloe meliat glagat jang pasti. Sebaliknja bila Ngo Ong memang berkeras djoega hendak oendjoekin kebesaran Gwi di matanja doenta, bolehlah dalem kota Ek Liang ini mendiriken seboeah paseban, di mana dipasang seboeah Paij batoe jang dinamaken,Taij Gan Paij", jalah atasnja dioekir dengen sairan bitjara besar, mengasi peringetan jang ditoedjoeken pada berbagi-
