-125-
dep Gwi Ong.
,,Atas redjeki jang terbesar dari Ngo Ong," demikian katanja, maka Sin poenja Ang Kim Toat So telah bisa menawan idoep- idoepan Lo Ong, Tian Kie!"
Mendenger begitoe, Gwi Ong tentoe sadja djadi amat girang, lantas prenta orang- orangnja boleh masoekin itoe orang tawanan ka dalem pendjara besar, tcenggoe kapan soeda bisa diadaken perdamean antara doea negri, baroelah ini tawanan boleh dimerdikaken poelang ka negrinja.
Itoe tempo, Sie Boen Liong dan Sie Boen Houw begitoe menampak Tian Kie soeda kena ditangkep oleh Bang Koan. marika pertjaja tiada ada taksiran aken bisa perolehken kemenangan dari peprangan; apa bolehboeat malem itoe djoega marika boeroe-boeroe prenta bongkar pasanggrahannja aken kemoedian dengea membawa sisa soldadoe jang kala, langsoeng merat poelang ka negri sendiri dan mengadep Tje Ong.
,,Mana, Lo Ong?" tanja Tje Ong koetika meliat tjoema itoe kedoea soedara sadja jang dateng mengadep.
,,Permoela Lo Ong telah menampak kemenangan beroentoen - roentoen doea kali atas pascekan moesoe," saoetnja Boen Liong,
