-110-
dialah nanti jang paling gampang perolehken tana seloeasnja jang dia maoeken. Samentara halnja ini moetiara jang didapetken dari bilangan Sam Han, sesoenggoenja ada meroepaken soeatoe moestika jang tiada bisa ditaksir brapa besar harganja. Dan lagi, Kho denger bahoeab sesoeatoe Koen Tjoe jang beribadat, tiada nanti maoe mereboet laen orang ampoenja barang kesoekaän. Samentara Tje Ong baroe sadja satoe kali menampak itoe moetiara, lantas hendak milikin mendjadi kepoenjaännja, itoelah mengoendjoekin diapoenja keserakahan serta kekoerangan adat, maka apa salahnja bila kita djoega boleh mengilangken kepertjajaan terhadep dia."
Samentara Tjoe Haij jang setelah mendapet kenjataän sang oradja soeda mengambil ketetepan hati begitoe keras, djadi berbalik koeatir bila berdiam lebi lamaän di tana Tje; bisa mendatengken bintjana mendadak jang tiada terdoega, maka ia laloe membilang katanja:
„Aken tetapi, begimana djoega, menoeroet Sin poenja pengliatan jang tjoepet, ada lebi baek malem-malem ini djoega kita lantas balik poelang ka negri sendiri, aken kemoedian adaken permoefakatan lebi djaoe
