-109-
tara Tje Ong jang tiada mendapet kepoeasan hati, tiada bisa disangkal jang dia nanti menggerakin angkatan perang boeat melanggar tana daerah Gwi oentoek menghimpasken panasarannja. Maka menoeroet Sin poenja pengliatan, ada paling slamet lantas atoer sadja penoekaran moetiara dengen diapoenja Lian Shia, jang dengen begitoe, boekan sadja bisa meloepoetken negri dari sesoeatoe mara-bahaja, tapi djoega bagi laen-laen negri tetangga jang mendenger ini hal nistjaja aken mengindahken Ngo Ong ampoenja kebidjaksanaän, sebagi satoe djoendjoengan jang boediman, manda melepasken soeatoe barang moestika besar dengen lebi menghargaken perloeasan tana oentoek ke- perloeannja rajat. Och, I Ngo Ong, inilah resoenggoenja ada soeatoe pergerakan moelia jang tjoekoep menarik perhatiannja seloeroeh djagat, biarlah tiada diliwatken begitoe sadja !" „Ach l" menjangkal Gwi Ong. Keng ini rozpanja tjoema menarik satoe fihak dengen tiada berpaling laen fihak Kita sekarang berada di djemannja doenia dipengaroehi meloeloe oleh kekoeatan sendjata. Siapa sadja lebi mampoe siapken banjak tentara atawa tjakep mengepalaken pasoekan perang,
