-82-
poengken jang lantas diserahken pada Bang Koan, siapa trima itoe dan simpen baek dalem boengkoesannja sendiri.
Begitoe, sesoedanja satoe sama laen membri hormat laloe sama berpisaän. Samentara Bang Koan meneroesken perdjalanannja menoedjoe ka Hioe Tjioe, adalah Soen Pin sendiri naek kombalı ka goenoeng Hoen Bong San, balik poelang ka goa Tjoei Liam Tong, djoempaken sang goeroe.
„Kaoe toch soeda pergi dari setadian, kenapa mendadak balik kombali?” menegor Kwi Kok Sian Soe.
„Adapoen Te Tjoe waktoe toeroen goenoeng djoestroe berpapasan dengen satoe toea jang sedeng menggosok dongkrak besi boeat djadiken djaroem, berserta lagi seorang lelaki jang mematjoel goenoeng boeat temboesin laoetan.” begitoe saoetnja Soen Pin: „Dan ini doea pengliatan, membikin Te Tjoe djadi tersedar dari kegelapan, sembari teringet aken Soe Hoe ampoenja nasehat kemaren malem, jang seselken Te Tjoe masi belon bisa tamatken pladjaran, soeda lantas hendak tinggal pergi. Ini sebab, laloe berpisaän dengen Bang Koan, dateng kombali kemari boeat memoehoen Soe Hoe ampoenja pimpinan terlebi djaoe.”
