— 5 —
Blakangan, Hoe Ma Soen Tjho ternjata ada mempoenjai tiga orang poetra, jang besar bernama Soen Liong, jang kadoea Soen Houw dan jang katiga adalah Soen Pin.
Pada waktoe Jan Tan Kiong Tjoe lagi mengandoen Soen Pin, boekan djarang ia dapetken impian bahoea mega mera senantiasa melindoengin sekiter astananja. Kaloe Soen Pin soeda dilahirken, kenjataän itoe anak ada beroman amat tjakep, alis-matanja bening dan matanja bagoes, sedeng iapoenja otak amat tadjem dan ketjerdikannja ada begitoe loear biasa.
Lantaran apa, Soen Tjho atjapkali perna membilang pada Jan Tan Kiong Tjoe, katanja:
„Ini anak kapan soeda besar, tiada bisa salah lagi pasti dia bkaal berkoeasa atas milioenan djiwa, maka haroes dipandeng seaken-aken satoe moestika jang paling berharga bagi koelawarga kita.“
Begitoelah, baek sang ajah, maoepoen si iboe, toemplekin antero perhatian jang begitoe soenggoe soenggoe prihal pengrawatan dan pemeliharaän atas dirinja itoe anak: disajangin serta didjaga melebihi daripada segala apa jang paling berharga di kolong langit.
Sedeng begitoe, di itoe taon dalem negri
