-61-
soek boeat tiada memperkenanken Soen Pin bisa toeroet mejakinken kitab jang lagi di-pladjarin olehnja.
Laksana anak pana terlepas dari boesoer-nja, begitoelah ada pesatnja djalan sang waktoe, hingga dengen tiada merasa kedoea pemoeda ini soeda satoe taon lamanja me-noentcet ilmoe di Hoen Bong San. Maka pada itoe satoe malem, sebelonnja naek ka atas pembaringan, Bang Koan ada membi lang pada Soen Pin:
„Ja, Toako, kitaorang soeda satoe taon bladjar di sini, agaknja perna djoega men-dapet sedikit ilmoe gaib, tapi belon ber-boekti entah bisa terpake entah tiada; dari itoe biarlah besok kita minta permisi pada Soe Hoe aken boleh sama-sama mengambil kajoe, di sitoe kita nanti tjoba-tjoba goena-ken ilmoe jang dapet dipladjarin."
Dr. Kaoepoenja perbilangan ini, Hian Te. tjotjok betoel dengen pikirankoe." djawab Soen Pin.
Besok harinja. Soen Pin dan Bang Koan laloe bersama-sama mengadep goeroenja, minta perkenan soepaja ini hari marika ber-doea boleh sama-sama toeroen goenoeng mengambil kajoe.
Tatkala sang goeroe tlada mengoendjoek
